VII заң ғылыми – практикалық конференциясы

31 наурызда ИнЕУ жоғары колледжінің базасында “Қазақстан Республикасының Конституциясы-мемлекет пен қоғамның тұрақты дамуының негізі” атты колледж студенттері мен мектеп оқушыларының (6-11 сыныптар) VII заң ғылыми – практикалық конференциясы өтті. Байқау алты бағыт бойынша өткізілді: – азаматтық құқық, отбасы құқығы, азаматтық процесс; – қылмыстық құқық және криминология, қылмыстық атқару құқығы, қылмыстық процесс; – мемлекеттік-құқықтық; – әлеуметтік-гуманитарлық ғылымдар; – әлеуметтік-экономикалық ғылымдар; – Сот құрылысы, прокурорлық қадағалау, адвокатура, әкімшілік құқық. Конференцияға 173 ғылыми жұмыс қатысты. Қазылар алқасы ретінде Павлодар қаласы мен Павлодар облысының оқу орындары мен құқықтық органдарының үздік өкілдері шақырылды. Ш. Е. Сембина -Павлодар қаласы  полиция басқармасының Орталық полиция бөлімі бастығының орынбасары, полиция подполковнигі; Г. Ш. Жанғазина-Павлодар қалалық судьясы; Г. Ж. Ельмуратов- Торайғыров университеті КЕАҚ “Әлеуметтік ғылымдар, журналистика және ақпарат” кафедрасының профессоры, саясаттану ғылымдарының кандидаты; М. А. Сүлейменова- Инновациялық Еуразия университетінің “Әлеуметтік-гуманитарлық ғылымдар”кафедрасының доценті, тарих ғылымдарының кандидаты;  Беспалый С.В. –  Инновациялық Еуразия университетінің “Бизнес және басқару” кафедрасының доценті, экономика ғылымдарының кандидаты; Иванова М. А. – Павлодар облысы аумақтық кәсіподақтар бірлестігінің” Татуласу орталығы” бітімгершілік орталығының басшысы, кәсіби медиатор;  Қыдыралинова А. К.,Инновациялық Еуразия университетінің “Құқық” кафедрасының меңгерушісі,  заң ғылымдарының магистрі. Жұмыс күнінің соңында конференцияға қатысушылар қорытындылау және жеңімпаздарды жариялау үшін жиналды.