ТжКБ ұйымдарының студенттері арасында VIII облыстық көптілді олимпиада.

2023 жылғы 12 мамырда ИнЕУ жоғары колледжінің базасында техникалық және кәсіптік білім беру ұйымдарының студенттері арасында көптілділіктен VIII облыстық олимпиада өтті. Оған 35 студент қатысты.

Биыл көптілді олимпиада екі бағыт бойынша өтті:

1.Тіл мамандықтарының студенттері үшін.

2. Тілдік емес мамандықтардың студенттері үшін.

Олимпиаданың мақсаты:

1. – білім беру арқылы тілдік және мәдени әртүрлілікті сақтау және дамыту;
2. – қабілетті және дарынды студенттерді анықтау және қолдау;
3. – білім алушылардың қазақ тілін мемлекеттік тіл ретінде, орыс тілін-ұлтаралық қарым-қатынас тілі, ағылшын тілін халықаралық коммуникация құралы ретінде қабылдауына жәрдемдесу.

Көптілді олимпиада екі кезеңнен тұрды: 1 – тур тілдік құзыреттілік деңгейін анықтауға бағытталған жиырма тест тапсырмасын орындау, 2-тур ұсынылған тақырыптар бойынша көпшілік алдында сөз сөйлеуді және жағдаяттық тапсырмаларды шешуді көздеді.

Құзыретті қазылар алқасының құрамына Павлодар қаласының түрлі оқу орындарының оқытушылары кірді.

Тіл мамандықтары бойынша қазылар алқасының құрамына:

1. Каббасова А.Т.- педагогика ғылымдарының докторы, «Аударма ісі» бағыты бойынша педагогика магистрі, Қазақстан аудармашылар қауымдастығының мүшесі, ИнЕУ «Әлеуметтік-гуманитарлық пәндер» кафедрасының доценті
2. Қазылар алқасы төрағасының орынбасары: Майгүл С. – филология ғылымдарының магистрі, ИнЕУ әлеуметтік-гуманитарлық ғылымдар кафедрасының аға оқытушысы
3. Қазылар алқасының мүшесі: Kehinde Salako – Нигериядан келген тілді жеткізуші, ағылшын тілі бакалавры, жазушы.
4. Қазылар алқасының мүшесі: Жумабеков М.И. – педагог-зерттеуші, Павлодар қ.«Кенжекөл ЖОББМ» КММ, орыс тілі мен әдебиеті пәнінің мұғалімі.

Тілдік емес мамандықтар бойынша комиссия құрамы:

1. Қазылар алқасының төрағасы: Даурбеков А.М.: “Филология” мамандығы бойынша гуманитарлық ғылымдар магистрі, Ә.Марғұлан атындағы Павлодар педагогикалық университетінің “Шет тілі: екі шет тілі” білім беру бағдарламасының педагог-сарапшысы.
2. Қазылар алқасы төрағасының орынбасары: Муканова Б.Т. – Павлодар облысының техникалық және кәсіптік білім беру ұйымдарының тіл пәндері оқу-әдістемелік бірлестігінің төрағасы, “Филология” мамандығы бойынша гуманитарлық ғылымдар магистрі, Б. Ахметов атындағы Жоғары педагогикалық колледжінің педагог-зерттеушісі.
3. Қазылар алқасының мүшесі: Сарыбаева Б.Ж. – филология ғылымдарының кандидаты, Ә.Марғұлан атындағы Павлодар педагогикалық университетінің гуманитарлық ғылымдар жоғары мектебінің (“Қазақ тілі мен әдебиеті” білім беру бағдарламасы) педагог-зерттеушісі.
4. Қазылар алқасының мүшесі: Бексеитова С.Ж. – педагог-зерттеуші, Павлодар қ. “25 ЖОББМ” КММ орыс тілі мен әдебиеті мұғалімі.
5. Қазылар алқасының мүшесі: Ряжко Т.М. – педагог-зерттеуші, Павлодар қ. “26 ЖОББМ” КММ шет тілі мұғалімі.