22 қыркүйекте Павлодар қаласының облыстық ««Мәшһүр Жүсіп мешітінің наиб-имамы және «Әбу Бәкір Сыддық» медресесінің арнайы пәндер оқытушысы Наим Арман Айдарғазыұлының студент жастарымен вебинар – кездесуі өткізілді. Кездесу жастар арасында діни сауаттылықты арттыру, діни экстремизмнің алдын алу және жастар арасындағы конфессияаралық келісімді дамыту мақсатында ұйымдастырылды.
Наиб имам студенттермен әңгімелесе отырып, ислам адамның жақсы қасиеттеріне әсер ететін ерекше дін екенін атап өтті. Оның негізі – адамзаттың рухани және физикалық қасиеттерін жетілдіру, өмір принциптерін қалыптастыру, соған сәйкес адамның әлеммен үйлесімді өмір сүруі, оны сақтауы, зұлымдықтан құтқаруы.
Білім мен ғылым, сонымен қатар отбасы тәрбиесі қабілетті, сауатты, саналы тұлғаны қалыптастырдың негізі болып табылады.
Бұл кездесу өте қызықты өтті. Жастарды толғандырып, шешуін таппай жүрген көптеген сауалдарға толық та нақты жауаптар алды. Қатысушылар Найма Арман Айдарғазыұлына алғыстарын білдірді.
