Торайғыров атындағы облыстық кітапханада Павлодар облысы әкімдігінің басшылығымен 2023 жылғы 3-5 мамыр аралығында «PAVLODART» облыстық бейнелеу өнері фестивалі өтті. Юминова Елена Ивановна 5 мамырда фестиваль аясында батик техникасы бойынша шеберлік сыныбын өткізді. Жібекпен, резервтеуші құрамдармен және бояулармен жұмыс жасау технологиясы жан-жақты көрсетіліп, батиктің түрлі тәсілдері көрсетілді. Шеберлік сыныбына қатысушылардың барлығы шығармашылық үдеріске қатысып, техниканы тәжірибеде сынап көру мүмкіндігіне ие болды.
