“Музыка 2000” интерактивті ойыны Инновациялық Еуразия университетінің акт залында қаланың колледждері мен жоғары оқу орындарының студенттері мен оқытушылары арасынан ондаған музыка әуесқойларын жинады. MQ_PVL квизмендері үлкен акция өткізді.
ИнЕУ акт залында көптен бері осындай жанды әрі қызу тартыс болған жоқ. Музыкалық квиздің қатысушылары 20 команда болды. Әрқайсысы күрделі сұрақтарға жауап беріп, қиын мәселелерді шешуі керек еді.
– Мысалы, ән ойналады, ал оған басқа композициядан клип қойылды. Командаларға әннің орындаушысын да, оған бейнероликтің қайдан келгенін де болжау қажет болды, – дейді ИнЕУ тәрбие жұмысы және әлеуметтік мәселелер басқармасының басшысы Людмила Шоклева.
«Музыка 2000» әлемі қатысушыларды баурап алды. Командалар әр мәселені эмоционалды түрде талқылап, өз нұсқаларын батыл ұсынды. Айта кету керек, квиз бес раундтан тұрды. Олардың қорытындысы бойынша ИнЕУ жоғары колледжінің «Фабрика звезд» командасының балалары жеңімпаз атанды. Екінші орынды “Лихие 90-е” командасы – ИнЕУ жоғары колледжінің әкімшілігі (Кармишина Лидия Васильевна, Хамитова Асем Төлегеновна, Костюк Валерия Владимировна), үшінші орынды – «Бегущие по проводам» иеленді.
– Біз квиз ұйымдастырушыларымен ынтымақтастықты жалғастыруды жоспарлап отырмыз. Олардың иелігінде ойындардың көп түрлері бар: интеллектуалды, детективтік, кино-квиз. Болашақта ауқымды турнир өткізу үшін оқушылар да тартылуы мүмкін, – дейді ИнЕУ тәрбие жұмысы және әлеуметтік мәселелер басқармасының басшысы Людмила Шоклева.
Айта кетейік, келесі квизге қатысуға ниет білдірушілер саны аз емес.