19.11.21ж. Жас педагог мектебінің жұмысы шеңберінде арнайы пәндер оқытушысы Т.А. Фелкер ПД-210 тобында “Expansion of your English vocabulary” тақырыбы бойынша шеберлік сабағын өткізді. Сабақты өткізудің мақсаты – жас педагогтардың біліктілігін арттыруға және кәсіби өсуіне ықпал ету, олардың пәндік және әдістемелік құзыреттілігін дамыту.
Сабақ барысында жас оқытушыларға студенттердің топтық және өзіндік жұмыстарын ұйымдастыру тәсілдері, сыни ойлау технологиясының тәсілдері көрсетілді. Бұл технология студенттерді ойлауға үйретеді, өз пікірлерін басқа пікірлермен салыстыруға үйретеді, шығармашылық қабілеттерін көрсетуге мүмкіндік береді, өзара әрекеттесуді ынталандырады.
Студенттер ағылшын тілінің сөздік қорын кеңейту әдістерімен танысты, брейн-ринг барысында ұсыныстар жасады, мнемоника әдістері туралы білді және сабақ барысында жаңа сөздерді енгізе отырып, әңгіме құру тәсілдерінің бірін жүзеге асырды. Топ сарапшылары өз жұмыстарына шеберлік сабағына қатысқан жас педагогтарды қосып, жобаларын таныстырды. Жас оқытушылар ағылшын тілі сабақтарында барлық қызмет түрлерінің: тыңдау, оқу, жазу және сөйлеу үйлесімін көре алды. Сабақ өткізілгеннен кейін жас оқытушылар үшін әдістемелік коучинг өткізілді.
Шеберлік сабағы жас педагогтармен жоғары бағаланды, сабақтың достық, шығармашылық атмосферасы, студенттердің үйлесімді жұмысы, педагогпен толық өзара түсіністік атап өтілді. Жас мамандардың пікірінше, шеберлік сабағын өткізу оларды практикалық дағдыларды қалыптастыруға, кәсіби қасиеттерін дамытуға итермеледі.
