24 сәуірде ИнЕУ ЖК студенттері колледжде өткен PISA – оқушылардың білім жетістіктерін бағалау жөніндегі халықаралық бағдарламаға қатысты. Бұл бағдарламаны Экономикалық ынтымақтастық және даму ұйымы (ЭЫДҰ) жүргізеді. Оның негізгі мақсаты – әртүрлі елдердің білім беру жүйелеріндегі өзгерістерді анықтау және салыстыру.
PISA зерттеуі студенттердің функционалдық сауаттылығын және алған білімдерін іс жүзінде қолдану қабілетін бағалайды.
Тестілеуге ИнЕУ Жоғары колледжінің 42 студенті қатысты. Зерттеуге қатысушылармен және олардың ата-аналарымен оқушылардың 15 жасында мұндай маңызды іс-шараға қатысуының маңыздылығы туралы алдын ала түсіндіру жұмыстары жүргізілді. Осыған байланысты тестілеу күні балалар тыңғылықты дайындықпен келді.
Сыртқы бақылаушылар колледжде тестілеуді өткізу барысының жоғары деңгейде ұйымдастырылғанын және студенттерді дайындау кезінде педагогикалық ұжымның үлкен жауапкершілік танытқанын атап өтті.
