2024 жылдың 26-27 желтоқсан аралығында Ұлытау облысының Жезқазған қаласында Энергетика(жылу энергетикасы) саласы бойынша ТжКББ педагогтары арасында республикалық кәсіби шеберлік байқауы өтті.
Байқауға республиканың түкпір-түкпірінен мамандар жиналды, олардың әрқайсысы өз білімдері мен тәжірибелерін көрсетуге дайын болды. Байқау бағдарламасына теориялық білімді тексеру және практикалық тапсырмаларды орындау кірді. Қатысушылар энергетиканың өзекті мәселелері бойынша өз білімдерін, сондай-ақ жаңа технологияларды қолдану дағдыларын көрсете алды.
Кәсіби шеберлік байқауында Павлодар қаласы, Инновациялық Еуразия Университетінің жоғары колледжінің оқытушысы Арынгазинова Асель Багдатовна Павлодар облысының намысын қорғады.
Ол жоғары кәсіби шеберлігін, терең білімі мен инновациялық әдістерді қолдана білуін дәлелдеп, барлық кезеңдерден сәтті өтті. 3- орын алған Асель Багдатовна өз өңірінің намысын абыроймен қорғады. Оның жетістігі-жоғары кәсібиліктің және өзін-өзі жетілдіруге деген ұмтылыстың жарқын көрсеткіші. Асель Багдатовна Арынгазинованы тамаша нәтижемен құттықтаймыз және одан әрі табыс тілейміз!
