Б. Ахметов атындағы Павлодар педагогикалық колледжінде Жеңіс күніне және ҰОС ардагері Қабдеш Нұркинді еске алуға арналған әскери-қолданбалы спорт түрлері бойынша жарыстар өтті.
Оларға облыстың 9 оқу орнының студенттері қатысты. Жарыс әскери-қолданбалы спорттың 5 кезеңі бойынша өтті: атыс даярлығы бойынша Калашников автоматын жартылай бөлшектеу және жинақтау, автомат оқжатарын жарақтандыру және разрядтау, №8 нысана бойынша пневматикалық мылтықтан ату, жалпы әскери қорғаныс жиынтығын (ЖҚЖ жеңді плащ) киіндіру, дене шынықтыру дайындығы – аспада көтерілу-төңкерілу (жасөспірімдер) денені арқасынан жатып көтеру (қыздар).
Бұл турнирге Инновациялық Еуразия Университетінің жоғары колледжінің командасы да қатысты. Жарыс қорытындысы бойынша біздің команда дене шынықтыру жаттығуларын орындауда, денені арқасынан жатып көтеру (қыздар) кезеңі бойынша 1-ші орынға ие болды. Біздің команданы АӘТД оқытушылары Магзумова Н.Т. және Джанахметова М.И атынан құттықтаймыз және жастарымызға төзімділік, денсаулық, еңбекқорлық, ең бастысы үлкен спортта табыс тілейміз.