Шығармашылық, зияткерлік және спорттық жетістіктерімен ерекшеленген Павлодар облысының білім алушылары Павлодар облысының әкімінің марапатына ие болды. Республика күні ұлттық мерекесі қарсаңында “Тәуелсіздік ұланы”белгісінің 100 иегерін марапаттау рәсімі өтті. Құрмет наградасы ИнЕУ жоғары колледжінің студенті Щербакова Лидияға берілді. Лидия «Спорттық шеберлік» номинациясында жеңіске жетті. «Дене шынықтыру және спорт» мамандығының 1 курс студенті облыстық, республикалық, халықаралық чемпионаттардың жеңімпазы және жүлдегері. Қыз снарядты әуе сақинасында әуе гимнастикасымен айналысады.
.
– Қымбатты достар, мен бүгін сіздерді, осындай талантты және жігерлі жастарды қарсы алғаныма қуаныштымын. Осы қасиеттерді сақтап, нағыз көшбасшы ретінде айналаңыздағы адамдардың бойына сіңірулеріңізді шын жүректен тілеймін. Сонда ғана біз дені сау, интеллектуалды ұлт қалыптастырамыз. Тек осылай ғана біздің Қазақстанымыз өсіп, өркендейтін болады, – деді Әбілқайыр Сқақов марапат иелеріне.
Достық үйінде “Әлеуметтік маңызы бар және қоғамдық қызмет”, “Ғылыми-техникалық шығармашылық және оқу-зерттеу қызметі”, “Спорттық шеберлік”, “Кәсіби шеберлік” және “Шығармашылық шеберлік” атты 5 номинация бойынша лауреаттарды марапаттау рәсімі өтті. Марапаттауға 700-ден астам өтінім беріліп, 380 адам үміткер атанды. Олардың тек 100-і ғана қазылар алқасының бағалауы бойынша құрметті марапатқа ие болды.
– Бала кезімде циркке барған кезде мен әртүрлі снарядтардағы әуе гимнасттарының керемет қойылымдарын көрдім. Олардың қойылымдары маған қауіпті болып көрінді, бірақ сонымен бірге өте әдемі болды. Мен әуе гимнастикасымен айналысқым келді және бәрі мен ойлағандай болды! Міне, осы спорт пен өнерде жүргеніме 4 жыл болды. Менің снарядым- ауа сақинасы. Бұл спорт түрінен мен кәсіпқоймын және элиталық категорияда жарысамын. Өткен жылы Қазақстан чемпионы атанып, Әлем чемпианатына аттандым, онда 20 қатысушының ішінен 12-ші орын алдым. Менің барлық еңбегім “Тәуелсіздік ұланы” сыйлығымен марапатталғанына өте қуаныштымын, -деп Лидия Щербакова қуанышымен бөлісті.
