Ұлы Отан соғысының тарихы- тарихы-мәңгі тірі тарих. Соғыс халықтың жадында қайғы, қатыгездік, азап және сол уақытта – ерлік пен батылдық, Отанға деген шексіз махаббат, ұлы қуаныш – жеңіс жанқиярлық кезеңі ретінде қалды.
Мұражайдың шынайы экспонаттары: снарядтар, қару-жарақтар, фотосуреттер, бұйрықтар мен медальдар, Ұлы Отан соғысының батырлары мен қатысушыларының жеке құжаттары мен хаттары соғысты сарбаздардың көзімен көруге, оны сезінуге мүмкіндік береді.
8 сәуір күні энергетикалық бөлімнің ТЭУ-110 тобының 1 курс студенттері мен АӘТД оқытушылары Н.Т. Магзумов пен М.И. Джанахметов Павлодар қаласының Әскери Даңқ мұражайына барып қайтты. Мұражай директоры Тыштықов Рустам Нажмиденович студенттерге Ұлы Отан соғысы майданында 46 мың павлодарлықтар соғысқанын, оның ішінде 22 адам Кеңес Одағының Батыры атағына ие болғанын, 1 адам – Кеңес Одағының екі мәрте Батыры және 8 майдангер үш дәрежелі Даңқ орденінің толық кавалері болғанын айтты. 23 мыңға жуық павлодарлықтар майдан даласынан оралмады. Бірақ олардың ерлігі мәңгі өлмейді, бүгінгі күннің ұрпағының жүрегінде мәңгі сақталады.
Мұражай экспозициясының келесі бөлімдері бойынша студенттерге өте қызықты материалдар ұсынылды:
– Ұлы Отан соғысының басталуы. Жалпы жұмылдыру;
– Брест қамалын қорғау;
– Мәскеу шайқасы;
– Ленинградты қорғау
– павлодарлықтардың Сталинград және Курск шайқастарына қатысуы;
-Павлодар әйелдерінің ҰОС қатысуы;
– Павлодарлықтар-Кеңес Одағының Батырлары;
– Кеңес Одағының Батыры М. Қайырбаевтың кешені;
– ҰОС партизандары. Агадиловтардың партизандық отбасы.;
– Павлодар облысының аумағындағы № 2448, 8604 Эвакуациялық ауруханалар.
“Біз үнемі ізденіс үстіндеміз, – Рустам Нажмиденович әңгімені жалғастырады, – қорларды тарихи құжаттармен, қарумен, Ұлы Отан соғысының сарбаздары мен офицерлерінің тұрмыстық заттарымен толықтырамыз. Бұған Павлодарлық “Майдан жолы” іздестіру-зерттеу жасағы мен жасақ командирі Александр Шитов үлкен көмек көрсетуде. Іздеушілер бірнеше рет Ресейге, Украинаға өткен шайқастардың жерлеріне экспедицияларға барып, Ұлы Отан соғысына қатысқан жауынгерлердің көптеген қалдықтарын Отанына қайтара алды. Іздеушілер экспонаттарды мұражайларға, мектептерге, колледждерге өткізеді, сонда олар өздерінің әрі қарай тарихын табады. Рустам Нажмиденович жаз мезгілінде ашық аспан астындағы мұражай майдан жылдарындағы әскери техниканы көрсете отырып, жұмыс істейтінін айтты.
Экскурсия бір сағатқа созылды, бірақ жігіттер уақыттың қаншалықты тез өткенін байқамады.
ИнЕУ жоғары колледжінің оқытушылары мен студенттері атынан Джанахметов М. И. Р.Н. Тыштыковаға қызықты экскурсия үшін алғысын білдірді.
